DataLife Engine - Softnews Media Group

სამწუხაროდ, ქალების უმეტესობა უკმაყოფილოა საკუთარი გარეგნობით, რადგან არ აქვთ სრული იმფორმაცია იმის შესახებ, რას აქცევენ მამაკაცები პირველ რიგში ყურადღებას.
დიახ, ეს სიმართლეა – თავდაპირველად მამაკაცები პარტნიორ ქალს გარეგნობის მიხედვით ირჩევენ. მაგრამ შეფასების ამ სისტემაშიც არსებობს ის, რასაც კაცები პირველ რიგში აქცევენ ყურადღებას, ხოლო რას სულ ბოლოს.

ისტორიულად ჩამოყალიბდა შეხედულება, რომ წვრილი წელი, განიერი თეძოები, მსხვილი ტუჩები, მბზინავი თმა – ქალის სრულყოფილებაზე მეტყველებს. მაგრამ ჩვენს დროში არსებობს იმის საშუალება, დეტალურად გავარკვიოთ, რა უფრო მნიშვნელოვანია მამაკაცისთვის მბზინავი თმა თუ განიერი თეძოები.
გთავაზობთ ქალის სხეულის სექსუალური ნაწილების რეიტინგს, რომელიც მამაკაცების გამოკითხვის მიხედვით არის შედგენილი.

10. ფეხები
ბევრ მამაკაცს შეუძლია უსასრულოდ უყუროს ქალის ფეხებს, განსაკუთრებით მაშინ თუ ისინი მაღალ ქუსლებზე დგანან და თუ ამას ლამაზად გაკეთებული ფეხის ფრჩხილებიც ერთვის, ჩათვალეთ, რომ დაიპყარით ბევრი მამაკაცის გული. პატარა და თხელი ფეხის ტერფებიც ბევრ მამაკაცში სურვილებს აღძრავს.

9. ზურგი
უცნაურია, მაგრამ ქალის ზურგი სხეულის ის ერთ-ერთი ნაწილია, რომელიც მამაკაცში ვნებას აღძრავს. საკმარისია, გაიხსენოთ ქალის შიშველი, მიმზიდველი ზურგი, რომელსაც აქტიურად აჩენენ "ცხელ ფოტოსესიებში", ან ზურგზე ღრმად ამოჭრილი კაბები, რომ მიხვდებით, ქალის სხეულის ეს ნაწილი უდაოდ იქცევს მამაკაცის ყურადღებას.

8. მუცელი
ყველა კაცს მოწონს მოხდენილი ქალი და განსაკუთრებით ბრტყელი, ლამაზი მუცელი. ამიტომაც ეს სხეულის ის ნაწილია, რომელსაც აუცილებლად უნდა მიხედოთ, ქალბატონებო. გამოკითხვის მიხედვით, მამაკაცების უმეტესობისთვის ქალის სხეულის ეს ნაწილი ძალიან სექსუალურია.

7. თმა
თმა ქალისა და მამაკაცის ერთ-ერთი განმასხვავებელი სიმბოლოა, ამიტომაც გასაკვირი არ არის, რომ ქალის თმა მამაკაცისთვის ქალის გარეგნობაში ერთ-ერთ მნიშვნელოვან დეტალს წარმოადგენს. ვიღაცას მოწონს შავგვგრემანი, ვიღაცას – ქერა, მაგრამ მათ უმეტესობას, ასე თუ ისე, გრძელი და მბზინავი თმა იზიდავს. რა თქმა უნდა, არსებობენ, ექსტრემალები, რომლებიც მოკლეთმიან ქალბატონებს ანიჭებენ უპირატესობას, მაგრამ ეს, როგორც წესი, იშვიათია.

6. თეძოები
არაფერია ისეთი სექსუალური, ვიდრე ქალი, რომელიც სიარულისას თეძოებს მიარხევს, თითქოს ამით ამბობს: "ზუსტად ვიცი, როგორ ვიმოძრაო იმისათვის, რომ თავგზა დაგაკარგვინო". გამოკითხვის მიხედვით, მამაკაცების უმეტესობას მოსწონს ქალები მომრგვალებული თეძოებით. ასე რომ, ნუ მოგერიდებათ, გამოაჩინეთ თქვენი სხეულის ღირსებები.

5. ღიმილი
ღიმილი – ქალის ყველაზე ძლიერი იარაღი! ცოტა თუ გაუძლებს სასიამოვნოდ მოღიმარი ქალის ხიბლს. გამოკითხული მამაკაცების უმეტესობამ განაცხადა, რომ ღიმილი ასე მომნისხველად იმიტომ მოქმედებს მათზე, რომ ქალი ამით აგრძნობინებს, რომ ბედნიერია მათ გვერდით ყოფნით, მამაკაცების კი უყვართ, როცა შეყვარებულები არიან.

4. ტუჩები
მამაკაცებს მართლაც ვერ ტოვებს გულგრილს მსხვილი ტუჩები, თუმცა ნუ გადააჭარბებთ და ნუ შეიღებავთ მუქ და ძალიან მკვეთრ ფერებში, თორემ უკურეაქციას მიიღებთ.

3. მკერდი
აი, მივედით ქალის სხეულის ყველაზე მნიშვნელოვან ნაწილთან. ღრმა დეკოლტეს შეუძლია კაცს ყველაფერი გააკეთებინოს, დააკარგვინოს თავი და იმდენად ხელგაშლილი გახადოს, რომ იმაზე ბევრი დახარჯოს, ვიდრე გეგმავდა. თუ ბუნებამ დიდი მკერდით არ დაგაჯილდოვათ, არ იდარდოთ, და კონცენტრაცია რეიტინგის მე-2 ნომერზე მოახდინეთ.

2. უკანალი
ლამაზ უკანალს შეუძლია პატარა მკერდის კომპენსაცია მოახდინოს. აღმოჩნდა, რომ ბევრ კაცს დიდ მკერდს ლამაზი უკანალი ურჩევნია.

1. თვალები
მამაკაცებს უყვართ ჩვენი გაოცება!
სიის პირველ ადგილზე, რაოდენ გასაკვირიც უნდა იყოს, ქალის თვალები აღმოჩნდა. გამოკითხვის მონაცემებით, იმის მიუხედავად, სხეულის როგორი ფორმები გაქვთ, ქალბატონებო, ყველაფერი შეიძლება გადაწყვიტოს თქვენმა მხოლოდ ერთმა გამოხედვამაც კი.

ადამიანების დიდი ნაწილი ენერგეტიკის არასწორი გადანაწილების ხარჯზე იტანჯება. თანამედროვე ცხოვრება არ გვაძლევს იმის უფლებას, რომ ხშირად მოვუწყოთ საკუთარ თავს "უსაქმურობის ვიქენდი", თუმცა სტრესთან და დაძაბულობასთან ბრძოლის მეთოდებიც ზოდიაქოს ნიშნების მიხედვით სხვადასხვაგვარია. ასტროლოგები თვლიან, რომ საუკეთესო ვარიანტი ამ მხრივ თქვენივე სტიქიის ელემენტით "განტვირთვაა".

ასე მაგალითად, თუკი თქვენ ცეცხლის სტიქიის ნიშანი ხართ ანუ ლომი, ვერძი ან მშვილდოსანი საუკეთესო განტვირთვა თქვენთვის ცეცხლთან ურთიერთობა იქნება. აანთეთ ბუხარი, გაისეირნეთ ტყეში და საღამო გაატარეთ კოცონთან, ან უბრალოდ სანთელთან "დახარჯეთ" მთელი თქვენი ნეგატიური ენერგია.

იმ შემთხვევაში, თუკი თქვენი ზოდიაქოს ნიშანი მიწის სტიქიას ემთხვევა ანუ კურო, თხის რქა ან ქალწული ხართ აუცილებელია, რომ განტვირთვა მიწასთან კონტაქტით მოუწყოთ საკუთარ თავს. მოუარეთ ქოთნის ყვავილებს, ისეირნეთ ფეხით მწვანე მინდორზე ან უბრალოდ ფოთლების შრიალით დატკბით, შეიგრძენით მიწის სუნი. ეს საუკეთესო მეთოდია თქვენთვის სტრესთან საბრძოლველად.

თუკი თქვენი ზოდიაქოს ნიშანი ჰაერის სტიქიას ემთხვევა ანუ ტყუპი, მერწყული ან სასწორი ხართ სტრესის მოხსნაში პარაშუტით ხტომა, ატრაქციონები ან უბრალო კარუსელზე გაქანავებაც გამოგადგებათ. შეგიძლიათ მამა-პაპური საქანელითაც კი გაირთოთ თავი და გული გადააყოლოთ.

დაბოლოს, თუკი თქვენი ზოდიაქოს ნიშანი წყლის სტიქიას ემთხვევა ხართ მორიელი, კირჩხიბი ან თევზები, სტრესის მოსახსნელად მიაშურეთ ტბას, ზღვას, მდინარეს ან უბრალოდ აბაზანაში განმარტოვდით შხაპის ქვეშ დამღლელი და ნეგატიური დღის ენერგეტიკის ჩამოსარეცხად. წყლის ნიშნებს უარყოფითი ემოციის დაძლევაში მხოლოდ წყალი ეხმარება.

რუსი ასტროლოგი ვასილისა ვოლოდინა, რომელიც საკუთარ ქვეყანაში უსაზღვრო პოპულარობით სარგებლობს, ხშირად აქვეყნებს საინტერესო ასტროლოგიურ სტატისტიკას თავის საიტზე და მიკრობლოგში. ამჯერად ჩვენი ყურადღება მისმა მსჯელობამ მიიქცია იმის შესახებ, თუ რომელი ნიშნები არიან ზოდიაქოს თორმეტეულს შორის ყველაზე, ყველაზე ძლიერები ფსიქოლოგიურად. ვფიქრობ მსჯელობა თქვენთვისაც საინტერესო იქნება.

ჰაერის სტიქიის ნიშნებს შორის (ტყუპი, მერწყული, სასწორი) ვასილისა მერწყულს მიიჩნევს ყველაზე ძლიერად. იმიტომ რომ, ამ ნიშანს გააჩნია საკმარისი პრინციპულობა და სიჯიუტე დასახული მიზნების მისაღწევად. ყველაზე სუსტებს შორის კი ტყუპს მოიაზრებს, მათი ხასიათის ცვალებადობის გამო.

მიწის სტიქიის ნიშნებს შორის (კურო, ქალწული, თხის რქა) გამარჯვებულის გვირგვინი თხის რქას ენიჭება. თხის რქები ყველაზე დიდი პრინციპულობითა და შრომისმოყვარეობით არიან გამორჩეული. ხოლო ყველაზე სუსტად კურო მოიაზრება ხასიათის ისეთი თვისებების გამო როგორიცაა სიზარმაცე, კომფორტის სიყვარული და სიახლეების შიში.

ცეცხლის ნიშნებს შორის (ვერძი, ლომი, მშვილდოსანი) ვოლოდინა ყველაზე ძლიერად მშვილდოსანს მოიაზრებს. მისი აზრით, მხოლოდ მშვილდოსანს შეუძლია ცეცხლოვანი ენერგეტიკის სწორად და დაბალანსებულად მართვა. თანაც ისე, რომ მრისხანების მომენტშიც არ დაკარგოს ადამიანურობა. ყველაზე სუსტ რგოლად კი ცეცხლის სტიქიაში ვერძი დასახელდა, ზემოხსენებული სიფიცხისა და მრისხანების მართვის აბსოლუტური უუნარობის გამო.

დაბოლოს, წყლის სტიქიის წარმომადგენლებს შორის (კირჩხიბი, მორიელი, თევზები) ვოლოდინა ყველაზე ძლიერად თევზების ნიშანს მოიაზრებს. მისი აზრით, სამყაროს ილუზორული ხედვის უნარი და თვისება მუდმივად სჯეროდეთ სასწაულების, თევზებს აძლევს ძალას ნებისმიერი სირთულე გადააგოროს ცხოვრებაში. ყველაზე სუსტებად კი წყლის სტიქიის წარმომადგენლებში კირჩხიბს მიიჩნევს, მაღალი სენსიტიურობისა და გარკვეული დეპრესიულობისკენ მიდრეკილების გამო.

სექსი და სიყვარული – არა მხოლოდ ბავშვის დაბადების მიზეზია, არამედ სხვადასხვა კვლევის ფართო არეალიც. როგორ ფიქრობთ, რა კავშირშია ჭკუა და სექსი? და რატომ ცდილობს ყოველი მეოთხე მამაკაცი საკუთარი თავის დაკმაყოფილებას ორალურად?
აი, რამდენიმე საინტერესო ფაქტი სექსის შესახებ, რომლებიც სავარაუდოდ, აქამდე არ გსმენიათ.

1. სექსი ჭკუას ჰმატებს...
აშშ-ში, მერილენდის უნივერსიტეტის მეცნიერებმა, სამხრეთ კორეის კონკუკის უნივერსიტეტთან ერთად, ვირთხებსა და თაგვებზე ჩატარებული კვლევის შედეგად დაასკვნეს, რომ სექსუალური ცხოვრება მღრღნელებს გონებრივ შესაძლებლობებს ჰმატებს.

ძლიერი სქესის წარმომადგენლებს, ქალებისგან განსხვავებით იშვიათად სჩვევიათ საკუთარ აზრებსა და ემოციებში ხანგრძლივი გაურკვევლობა. ამიტომ ურთიერთობის საწყის ეტაპზევე ხვდება მამაკაცი, პოტენციურ პარტნიორთან რომანი მოკლევადიანი იქნება თუ მენდელსონის მარშით დასრულდება მისი ხანგრძლივობა. თუმცა, საიმისოდ, რომ ზემოთ ხსენებული მარშისთვის ნოტები თავად შეარჩიოთ, კარგი იქნება, ამ სტატიას გადახედოთ და ამა თუ იმ ზოდიაქოს ნიშნით დაბადებული მამრის ხასიათში, განსაკუთრებული თავისებურებები გაითვალისწინოთ.

ვერძი

თავი რომ შეაყვარო უნდა იყო:
- ქალური,
- ვნებიანი,
- საკუთარი თავის რწმენით სავსე,
- კრეატიული,
- დიპლომატიური;

თქვენ მიმართ ინტერესი რომ არ დაკარგოს გეკრძალებათ:

- გააღვივოთ მისი აგრესია,
- შეიტანოთ ეჭვი მის ვაჟკაცობასა და სიმამაცეში,
- იცინოთ მის გულუბრყვილობაზე,
- იყოთ უფრო აქტიური ვიდრე ის,
- გააკონტროლოთ.

კურო

თავი რომ შეაყვარო უნდა იყო:

- მაცდუნებლად მომხიბვლელი,
- ერთგული,
- ნაზი,
- გაწონასწორებული და მშვიდი,
- კარგი დიასახლისის თვისებებით;

თქვენ მიმართ ინტერესი რომ არ დაკარგოს გეკრძალებათ:

- სხვა მამაკაცების ხსენებაც კი,
- ხანგრძლივი დროით მისი მარტო დატოვება,
- მისი შემოსავლის უთავბოლოდ ფლანგვა,
- სიცილი როცა ის პირველ სიყვარულს იხსენებს,
- მისი იმედების გაცრუება.

ტყუპი

თავი რომ შეაყვარო უნდა იყო:

- კარგი ფანტაზიის უნარის მქონე,
- ცოტა შერეკილი,
- კრეატიული,
- არასტანდარტული,
- კომუნიკაბელური;

თქვენ მიმართ ინტერესი რომ არ დაკარგოს გეკრძალებათ:

- გადამეტებული სერიოზულობა,
- მესაკუთრული გრძნობების გამოვლენა,
- მისი თავისუფლების შეზღუდვა,
- მისი გატაცებების მიმართ გულგრილი დამოკიდებულება,
- უკმაყოფილების გამოხატვა მისი ხასიათის ზედაპირულობის გამო.

კირჩხიბი

თავი რომ შეაყვარო უნდა იყო:

- რომანტიკული,
- ნაზი,
- ემოციური,
- მეოჯახე და მზრუნველი,
- გიყვარდეს პატარები;

თქვენ მიმართ ინტერესი რომ არ დაკარგოს გეკრძალებათ:

- საცინად აიგდოთ მისი სენტიმენტალური ხასიათი,
- გულგრილი და ცივი იყოთ გრძნობების გამოხატვაში,
- გააკრიტიკოთ მისი ემოციურიობა,
- დასცინოთ მის ოჯახს, განსაკუთრებით დედას,
- ხშირად დატოვოთ ყურადღების გარეშე.


ლომი

თავი რომ შეაყვარო უნდა იყო:

- მუდამ ფორმაში და მოვლილი,
- პრეზენტაბელური და თავდაჯერებული,
- დიდსულოვანი და გულუხვი,
- ვნებიანი,
- გულწრფელი;

თქვენ მიმართ ინტერესი რომ არ დაკარგოს გეკრძალებათ:

- მეწვრილმანეობა,
- სიყალბე,
- სხვა მამაკაცების მიმართ თუნდაც პროფესიული პატივისცემის გამოხატვა,
- მასთან ღიად კამათი,
- ურთიერთობაში დომინანტობის სურვილი.

ქალწული

თავი რომ შეაყვარო უნდა იყო:

- გაწონასწორებული,
- მოწესრიგებული,
- დისციპლინირებული,
- საიმედო,
- ბუნებრივი;

თქვენ მიმართ ინტერესი რომ არ დაკარგოს გეკრძალებათ:

- მისთვის ჩვეულ ცხოვრების რიტმში დისონანსის შეტანა,
- ფეთხუმობა,
- ზედმეტი პრეტენზიები,
- არაგულწრფელობა,
- მისი ფინანსების განიავება სისულელეებზე.


სასწორი

თავი რომ შეაყვარო უნდა იყო:

- პრინციპული,
- დახვეწილი და გლამურული,
- ნაზი და დიპლომატიური,
- ტაქტიანი,
- ელეგანტური,

თქვენ მიმართ ინტერესი რომ არ დაკარგოს გეკრძალებათ:

- სკანდალების მოწყობა, ჩხუბი,
- მისი სისუსტეების საჯაროდ განხილვა,
- ზეწოლა მასზე გადაწყვეტილების მისაღებისას,
- უხეშობა,
- მისგან მუდმივად ზრუნვის და ყურადღების მოთხოვნა.

მორიელი

თავი რომ შეაყვარო უნდა იყო:

- იდუმალი,
- არაპროგნოზირებადი,
- ვნებიანი,
- ფიცხი და ტემპერამენტიანი,
- დროდადრო აბსოლუტურად უმართავი;

თქვენ მიმართ ინტერესი რომ არ დაკარგოს გეკრძალებათ:

- დასცინოთ მის გრძნობებს,
- მოატყუოთ იგი,
- სახალხოდ გააკრიტიკოთ მისი ნაკლოვანებები,
- უარი უთხრათ სექსზე,
- ხშირად დაუთმოთ მას.

მშვილდოსანი

თავი რომ შეაყვარო უნდა იყო:

- დამოუკიდებელი,
- მომთმენი,
- გამჭრიახი,
- სულით მუდამ ახალგაზრდა,
- ყოველთვის მზად თავგადასავლებისათვის;

თქვენ მიმართ ინტერესი რომ არ დაკარგოს გეკრძალებათ:

- მისი თავისუფლების შეზღუდვა,
- მისზე კონტროლის დამყარების მცდელობა,
- კრიტიკა მისი მისამართით,
- მისით მანიპულირება,
- მოსაწყენი და მონოტონური ცხოვრებით ცხოვრება.

თხის რქა

თავი რომ შეაყვარო უნდა იყო:

- თავმოყვარე,
- ძლიერი სულით,
- ღირსეული მანერებით,
- გამგებიანი,
- ბუნებრივი;

თქვენ მიმართ ინტერესი რომ არ დაკარგოს გეკრძალებათ:

- მისთვის თავის მობეზრება,
- უპასუხისმგებლობა,
- მისი ღირსებების არშემჩნევა,
- სხვებთან მისი შედარება,
- მუდმივად მის ჭკუაზე სიარული.


მერწყული

თავი რომ შეაყვარო უნდა იყო:
- გულწრფელი,
- მომთმენი და ტაქტიანი,
- მეგობრული,
- ორიგინალური,
- ცნობისმოყვარე;

თქვენ მიმართ ინტერესი რომ არ დაკარგოს გეკრძალებათ:

- შეუზღუდოთ დამოუკიდებლობა,
- მისი იდეების სასაცილოდ აგდება,
- ღია ფლირტი სხვა მამაკაცებთან,
- მისი მეგობრების კრიტიკა,
- ერთფეროვანი და მოსაწყენი ცხოვრების წესის ქონა.

თევზები

თავი რომ შეაყვარო უნდა იყო:

- გულისხმიერი,
- დელიკატური,
- ნაზი,
- დახვეწილი,
- პრინციპული;

თქვენ მიმართ ინტერესი რომ არ დაკარგოს გეკრძალებათ:

- უხეშობა,
- ცინიზმი,
- დასცინოთ მის რომანტიკულობას,
- კრიტიკა,
- ემოციური სიცივე.

როგორც ფსიქოლოგები ამტკიცებენ, ძლიერი სქესის წარმომადგენლებსაც ისეთივე დოზით (თუ უფრო მეტად არა) ახასიათებთ გულჩვილობა და მოწყვლადი ემოციები, როგორც ქალბატონებს. თუმცა, საზოგადოებაში საყოველთაოდ დამკვიდრებული შეხედულება "კაცი ხარ და იყავი ძლიერი", ხშირად უბიძგებს მამაკაცს საკუთარი ემოციები გულში ჩაიკლას და გრძნობებს გამოხატვის საშუალება ნაკლებად მისცეს. სწორედ ამაში გამოიხატება ქალური გადმოსახედიდან მამაკაცური სიძლიერე – ხოლო საექიმო პრაქტიკით კი გულის ან სტენოკარდიული შეტევის დიდ ალბათობა. თუმცა, მედიცინისა და ასტროლოგიის კავშირზე, როგორმე სხვა დროს ვისაუბროთ, ამჯერად კი მინდა ყველაზე გულსათუთი, დეპრესიული და ემოციური მამაკაცების ტოპ-ხუთეული გაგაცნოთ... შესაძლოა, რომელიმე მათგანი სახალხოდ არასოდეს აღვარღვარებს ცრემლებს, მაგრამ გახსოვდეთ, რომ მისი ფსიქიკა ხშირად იმაზე სუსტია, ვიდრე ეს გარეგნულად მოჩანს.

კირჩხიბი – ზოდიაქოს ამ ნიშნით დაბადებული მამაკაცის ყველაზე დიდი სისუსტე პანიკიორობაა. კირჩხიბი ბუნებით სიმყარის, სტაბილურობისა და უსაფრთხოების მოყვარული ნიშანია. იგი არ მიეკუთვნება რისკიანთა კატეგორიას, ამიტომ სანამ ნაბიჯს გადადგამს ასიათასგზის გადაამოწმებს ამ ნაბიჯის სისწორესა და მართებულობას. ჰოდა, ღმერთმა დაიფაროს, რომ იგი მაინც მცდარი აღმოჩნდეს მიზეზთა და მიზეზთა გამო. ასეთ შემთხვევაში კირჩხიბი ღრმა დეპრესიაში ჩავარდება. აუცილებლად დაუმეგობრდება სასმელს და გარკვეული პერიოდის მანძილზე მიეკედლება დედას.

დეპრესიიდან მისი გამოყვანის გზები – ფსიქოლოგიურად გაამხნევეთ. დაანახვეთ, რომ მის გვერდით ხართ ბედსა თუ უბედობაში. რომ ხვალ ისევ ამოვა მზე და სამომავლოდ უფრო მეტად გაუმართლებს.

თხის რქა – ერთი შეხედვით ძალიან მყარი, ამტანი და გამტანი ჩანს არა? არ დაიჯეროთ, ამ კაცის კარგად დაყენებული იმიჯის უკან საკმაოდ სათუთი ფსიქიკა და დეპრესიისკენ მიდრეკილი ხასიათი იმალება. თხის რქა სატურნით მართული ნიშანია, ეს პლანეტა კი ზოდიაქოს ამ ნიშნის წარმომადგენლებს ხშირად ერთობ მუქ და უღიმღამო ფერებში უხატავს მომავალს. თხის რქა მკაცრი რეალისტია, მისი სამყარო იშვიათადაა ფერადი. შესაბამისად, ყოველთვის უჭირს კარგის დაჯერება, ეშინია პოზიტივის, ხმაურის და ზედმეტი ღიმილის ცხოვრებაში. აქედან გამომდინარე, ამ კაცს წარუმატებლობის პანიკური შიშის გამო, წინასწარ ემართება ხოლმე ფსევდო-დეპრესია. ახასიათებს ჩივილები ცხოვრების უსამართლობაზე და ა.შ.

დეპრესიიდან მისი გამოყვანის გზები – საკუთარ მაგალითზე დაუმტკიცეთ და დაანახვეთ რომ ცხოვრება მშვენიერია. ეცადეთ აიყოლიოთ გართობაში. იყავით ერთგული, გულისხმიერი და ყურადღებიანი.

თევზები – ნეპტუნით მართული მამაკაცები (თევზების ზოდიაქოს პლანეტა ნეპტუნი მართავს), ყველაზე მეტად გამოირჩევიან სასმელთან მეგობრობის განსაკუთრებული სიყვარულით. თუმცა, თევზი კაცის პრობლემატური ხასიათი, ხშირად სასმელის კი არა მისივე ლაბილური ფსიქიკის და უმოტივაციობის შედეგია. ზოდიაქოს ამ ნიშნით დაბადებულმა მამრებმა (რაღა თქმა უნდა ყველამ არა!) ხშირად თავადაც არ იციან რა უნდათ ამ ცხოვრებაში ან საერთოდ უნდათ კი რამე? სასმელისადმი მისი დამოკიდებულება კი რეალური სამყაროსგან, გაცილებით უფრო უპრობლემო და კომფორტული ილუზორიული სამყაროსთვის თავის შეფარების მეთოდია, სხვა არაფერი. თანაც ვისკის ბოთლი ხომ არასოდეს მოსთხოვს მას პასუხისმგებლობას ჩადენილ საქციელზე.

დეპრესიიდან მისი გამოყვანის გზები – წაახალისეთ, მოუნახეთ მის ნიჭსა და ტალანტს მოტივაცია. დაეხმარეთ პროფესიული რეალიზების კუთხით. ნაკლებად გააკრიტიკეთ.

სასწორი – დიახ, არ მოგჩვენებიათ! სწორედ სასწორი მოხვდა დეპრესიული მამაკაცების ხუთეულში, მიუხედავად იმისა, რომ იგი ვენერას მმართველობაში მყოფი ნიშანია და წესით, რა ედეპრესიება. თუმცა, სასწორის ცხოვრებაში არც ისე უღრუბლოდ და ვარდისფრად მოჩანს ყველაფერი, როგორც ერთი შეხედვით გვგონია. მერე რა, თუ იგი მუდამ თავაზიანად იღიმება, მოწესრიგებულად და გემოვნებით იცმევს, ყოველთვის სასიამოვნო სუნამოს სურნელი ასდის და შეხვედრისას მხიარულად გიპაჭუნებთ თვალს, გულის სიღრმეში ამ დროს შესაძლოა ღრმა დეპრესიაც აწუხებდეს, რომლის გამოხატვის უფლებას მისი ვენერიანული ბუნება არ აძლევს. თუმცა მარტო რომ დარჩებით და გულის გადაშლას მოისურვებს, მიხვდებით რატომ. სასწორი მამაკაცები, ყველაზე მეტად იტანჯებიან ხოლმე საკუთარი უსუსურობით. მათ უმრავლესობას აუცილებლად მართავს რკინის ხელი, რომელიც ან ცოლს ან დედას ეკუთვნის. ხოლო მარიონეტის როლში ყოფნა მითხარით რომელ კაცს მოეწონება. მაგრამ სხვა გზა თუ არ აქვს?

დეპრესიიდან მისი გამოყვანის გზები - მიაჩვიეთ "არას" თქმის ხელოვნებას. ასწავლეთ პრინციპულობა. დაარწმუნეთ იმაში, რომ თავაზიანი უარი სამყაროს დასასრულის აღმნიშვნელი დეფინიცია სულაც არ გახლავთ და ამის გამო ანათემას არავინ გამოუცხადებს მას.

მორიელი – ალბათ ყველაზე მეტად ამ ხუთეულში მორიელი კაცის მოხვედრამ გაგაოცათ. თუ ეს ასეა, ეს იმას ნიშნავს, რომ მამაკაცი მორიელის შესახებ მარტოოდენ ასტროლოგიურ სტატიებში წაგიკითხავთ, რეალურ ცხოვრებაში კი მასთან ახლო შეხება ჯერ არ გქონიათ. ან გქონიათ, მაგრამ არცთუ საკმარისად დიდი დოზით. მორიელის ბუნებას დესტრუქციული, სულიერი ტრანსფორმაციის განმგებელი პლუტონი მართავს. ამიტომ ამ მამაკაცში ნგრევისა და შენებისკენ მიდრეკილება ერთი და იგივე დოზითაა ჩადებული. ხოლო ის თუ რომელს უფრო გამოიყენებს იგი ცხოვრებაში, მთლიანად კონკრეტულ ინდივიდზეა დამოკიდებული და არა ვარსკვლავების განლაგებაზე. ამიტომ დეპრესიაში მყოფი, დეგრადირებული და "სახე ახეული" მორიელის ნახვა, იმაზე ხშირადაა შესაძლებელი რეალურ ცხოვრებაში, ვიდრე თქვენ ეს წარმოგიდგენიათ და მითი მისი "ჰიპერ-სიძლიერისა" და "სუპერ-სექსუალურობის" შესახებ ერთ წამში შეიძლება დაინგრეს თქვენს თვალწინ, თუკი მორიელმა საკუთარი სულის დაუცველი მხარე დაგანახვათ.

დეპრესიიდან მისი გამოყვანის გზები – მოთმინება, მოთმინება და კიდევ ერთხელ მოთმინება. აცალეთ, თავად ამობობღდეს ჭაობიდან, თუმცა, უნდა იცოდეს, რომ თქვენ სადღაც შორიახლოს ელოდებით. ეს მას სტიმულსა და ბრძოლის ჟინს გაუღვივებს. და კიდევ, არასოდეს შეიბრალოთ იგი! ნგრევა და შენება მისი ბუნების ნაწილია. ამიტომ დღეს თუ ნანგრევებში მოხვდა, ხვალ საძირკველს გაასუფთავებს და ახლის შენებას დაიწყებს აუცილებლად.

მასალის გამოყენების პირობები

მამრობითი სქესის ნებისმიერი წარმომადგენელი, კონკრეტული ფსიქოტიპის მქონე ინდივიდია. ამიტომ ზოგს თუ ქალის სითამამე თრგუნავს და აღიზიანებს, არიან მამრები ვისაც პირიქით თამამი ქალი მოსწონს და იზიდავს. მოდით გავიგოთ რა თვისებებს ვერ იტანენ ქალში მამაკაცები ზოდიაქოს ნიშნის მიხედვით:


ვერძები - თამამ, ზედმეტად ინიციატივიან და აქტიურ ქალებს ვერ იტანენ.

კუროებს - არასტაბილური, თავქარიანი და ექსტრავაგანტური აზროვნების მქონე მანდილოსნები აფრთხობთ.

ტყუპს - სიტყვაძუნწ, სერიოზულ და ტრადიციების მოყვარულ ქალებზე აქვს ”ალერგია”.

კირჩხიბს - დამოუკიდებელი, ზედმეტად ხელგაშლილი და კომუნიკაბელური ქალები აღიზიანებს.

ლომს - მეწვრილმანე, ანგარებიანი და ცბიერი ქალების მიმართ აქვს ანტიპათია.

ქალწული - ქაოსური, არაჰიგიენური და მფლანგველი ქალისგან გაიქცევა თავქუდმოგლეჯილი.

სასწორს - უხეში, ვულგარული და უტაქტო ქალების ეშინია.

მორიელების დიდი ნაწილი - ორმაგი თამაშის მოყვარულ, სულმოკლე და ცვალებადი ხასიათის ქალებს უცხადებს ყოველთვის ომს.

მშვილდოსანი სათოფეზე არ ეკარება - ”მოწოდებით დიასახლის”, სერიოზული ურთიერთობების მოყვარულ და პრეტენზიულ ქალებს.

თხის რქას - თამამი, უსტატუსო და პროფესიულად არშემდგარი ქალების მიმართ უცრუვდება მალე გული.

მერწყულს - ტრადიციული, მესაკუთრე და სერიოზული ქალები აშინებს.

თევზებს - ენამწარე, ზედაპირულ და ზედმეტად პირდაპირ ქალებთან უჭირს საერთო ენის გამონახვა.